Pemacha mayuh, program "Nyapai Remang Di Tuchung Kinabalu 2014" ke sekali tu diatur olih bala raban ari IPG Kampus Keningau empu lalu lalu turut mega diserta olih IPG ke bukai ari serata menua Malaysia. Kami mai bala raban enggau penyampau tubuh 63 iku raban pematih ari Palan Pematih Pengajar Malaysia (IPGM). Ia turut mega diserta olih bala pengajar ke udah serumpu baum enggau raban pematih niki gunung Kinabalu kena ke 15hb September 2014 tu tadi.
Beserimbai enggau Hari Malaysia, tiap-tiap iku bala pematih enggau bala pengajar deka mai tambai menua Malaysia datai ke tuchung Gunung Kinabalu.
Beserimbai enggau Hari Malaysia, tiap-tiap iku bala pematih enggau bala pengajar deka mai tambai menua Malaysia datai ke tuchung Gunung Kinabalu.
Aku mega tak keterubah kali ia niki Gunung Kinabalu tu. Sigi juluk ati ari mit mega deka ninjau rampa menua enggau pemanah tinjau menua Sabah tu ari tuchung gunung ti pemadu tinggi ba sitak menua Asia Tenggara. Pesau ngagai bala ti bisi ati deka enggau program betiki ke gunung tu, stamina ti tinggi endang patut bisi ba diri empu. Mesti cukup sesais (exercise) laban enti enda,diri empu enda nyalah-nyalah baka tekura niki tebing.Nyadi meh baka Menarat!!
Reaktor IPGM, beketapu kuning belepas ke pengawa niki gunung tu. Gambar tu diambi ba kaki gunung empu. Mesilau Summit Trail.
Gambar tu diambi aku kira-kira udah semak 2 jam niki. Besengah enda lama ninjau rampa menua. Sekali tu, remang di langit ulih ku japai, deka diberi ngagai sulu ati,,,hehe,,,semina kenang leka lagu aja ngagai orang ti benung angat besulu.
Aya Nadarajan, sesengah minching tambai. Kelalu lelak ko ia.
Puas ngiga orang ngambar.Last-last selpie kediri.
Aya kitai Ustaz Rusly, ngena baju chura Uren nya, minta perubat. Sumpit lachau ko ia.
Tuchung Gunung dipeda baka damping,tang anang ilap..pagila baru datai din.
Rampa menua ti ulih dipeda enti nuan niki nengah jalai ari Mesilau Summit Trail.
Enti kita ngasai diri ka tekemi enggau "yang sewaktu dengannya" puas niki bukit, Anang irau au?Laban Jamban meruan bisi disedia ka Taman-Taman Sabah tiap dua Kilometer..Bisi mega langkau alai ngenduh enggau belelak.
Iya lapa deh?? Belelak dulu wai..semak tiga jam niki enggau nanjak aja...
Pose enda lama...ba peninggi lebih kurang 1000 meter ari paras tasik...benung ka chelap ditu..keletar patung sema jaku.
di baruh din dipeda Pasar Kundasang, tanah beberita alai rayat menua tu betanam ke kubis enggau buah strawberi...tebilang mega enggau projek skim Chapi Gerempung.
Bisi dua jalai penanjak enti ka niki gunung tu. Raban kami niki nengah Mesilau Summit Trail,lalu pulai nurun nengah Timpohon Gate. Timpohan Gate mega jalai penanjak. Tu gambar simpang ia..niki katas baru datai lalu bemalam ba Laban Rata Rest House.
Jalai peniki,,,lebih kurang baka jalai pendai kitai di rumah panjai
Baru 5.0 KM..tu pan lebih kurang 4 jam lebih bejalai. Gambar tu diambi aku ari 3001 Meter ari paras tasik
Laban Rata Rest House
Nyau silau lemai datai ba Laban Rata Rest House. Chelap sepengudah datai ditu,,anang arap ka mandi tauka negu ai.Rumah ke dibelakang aku nya alai semua bala "pendaki" belelak.Makai..bisi nyedia ke macham bengkah pemakai alai meri nuan pengering baru niki pagila.
Macham pupu raban bansa ulih dipeda ditu. Maya tu, bisi lebih kurang 260 iku niki gunung tu. Ari cuti endang sigi mayuh narit temuai datai kitu.
Begambar enggau Unggal Fernando Alonso (entah,asai ke pia nama ya..enda ingat ) ari menua England. Datai kitu laban ka makai tubu undang, daun sabung enggau tekuyung panjai. Ke kiba nya kaban ari menua.
Dipandak ke cherita, tu pagi siti. ba ditu suhu ya lebih kurang -10 c. Chelap..sedia ke aja kereban baka baju tebal, ketapu pala, pichit serta sarung jari. Sedia ke mega baju ujan laban kawasan tu udu berembun tebal baka ujan. Bejalai nempuh remang, enda tau enda bejimat.Jalai lichau. Enti di menua niki pendai rumah panjai,nadai ngawa labuh..laban gerenti bebelat ke ai. Ditu enti bebelat,lalu datai kaki gunung baru,,hehe,,,berapa kali enda meh terempas tepangka. Nya alai, bejimat.Titih ke jaku Guide kita lalu bepegai selalu ba tali nya.
Maya tu, aku jauh udah ninggal ke bala raban. Bisi mega group bukai dulu ari aku. Entudi-entudi aja kami sebuat. Ari ujan meri mayuh macham penanggul.
Puas bejalai,,,datai ga di tuchung,,,penyelap ditu lebih kurang-8 C bakanya....benung berembun ditu,,semadi ke tuchum bergambar...
